Valon Fana është gazetar në KALLXO.com që nga shkurti i vitit 2019. Ai ka përfunduar studimet Bachelor në Universitetin e Prishtinës, Dega e Gazetarisë dhe studimet Master në programin Gazetari dhe Kontakte me Publikun në po të njëjtin institucion universitar. Valoni është i fokusuar më shumë në hulumtime gazetareske në fushën e të drejtave të njeriut por edhe në fushat e sigurisë dhe politikës.

Ai më herët ka punuar në emisionin “Ekonomia me Erëzën” në TV Klan Kosova dhe në median online ‘Gazeta Observer’, ndërsa ka kryer praktikë në Lëvizjen FOL dhe ka asistuar në zyrën e medias në Gjykatën Themelore të Prishtinës për gjashtë muaj përmes një programi të mbështetur nga USAID. Valoni është përfitues i tri bursave për shkrime gazetareske dhe fitues i gjashtë çmimeve për gazetari: dy në fushën e të drejtave të fëmijëve, dy në fushën e prokurimit publik dhe dy herë fitues i Tv storjes më të mirë të vitit.