BIG DEAL 2: Të humbur në stagnim. Kanë kaluar katër vjet qëkur Kosova dhe Serbia filluan procesin e ndjeshëm të bisedimeve teknike dhe dy vjet qëkur u nënshkrua marrëveshja historike për “normalizimin” e marrëdhënieve. Megjithatë, gjendja në terren për sa i përket marrëdhënieve ndërmjet Kosovës dhe Serbisë dhe veçanërisht në katër komunat veriore të Kosovës, është larg nga të qenët normale. Ndonëse ka arsye për të shpresuar, ka edhe arsye për frustrim të vërtetë. Para gjashtë muajsh BIG DEAL publikoi raportin e parë me titull “Monotoni e qytetëruar?”.